Apne Naam Ka Adad Jaan-nay Kay Liye Yahan Click Karein
Yeh Tehreer Ager Urdu main parhna chahein to yahan Click karein
Adad 5 ka Mukhtasir Taaruf
Adad 5 hamesha , teen ( 3) Adaad ka mufrad hoga , jaisay 14 , 23, 32 . Woh log jo kisi bhi maah ki 5 , 14 ya 23 tareekh ko peda huway hain woh bhi adad 5 kay zair e asar hongay .
Apki Khoobi o Khamiyan
Aap aik suljhay huway or chalak zehen kay malik hain.
Aap farsooda riwayat ki jagah jadeed riwayaat ko pasand kartay hain.
Aap Ba Himmat insan hain .
Aap mushkil logoon kay sath bhi acha nibah karna jantay hain.
Aap logon kay sath khoosh ikhlaqi aur garam joshi se pesh aatay hain.
Aap doosron kay moonh se apni tareef sunna passand kartay hain.
Aap main khood numaai ka jazba bhi khoob paya jata hai .
Aap apnay rishtay daron se door rehnay ko tarjeeh detay hain .
Aap kay liye apni zaat sub se pehlay hai.
Aap apni zaat per inhesar karnay walay hain aur apni zindagi kay tamam muamlat main doosron ki taraf dekhnay ki bajaey apni zaat per bharosa kartay hain .
Aap jald hasad se dochar ho jatay hain .
Aap bohot kifayat shua’ar hain .
Aap ko doulat hasil karnay ka junoon hota hai .
Shakhsiyat
Aap apni jiddat passandi ki wajah se azad khayal tasawwur kiye jatay hain .
Aap purjosh insan hain aur basa auqat is josh kay sabab aap bohot saray muamlat main jald bazi ka muzahira kartay hain kartay hain .
Aap ko samajhi taqreebat main shamil honay se khooshi mehsoos hoti hai
Aap moqa shanas waqay huway hain , Isi wajah se aap doosron ki bhalayi nahi kartay .
Aap shadeed gussay kay aalam main hon to aksar aap ki zaban alfaz ki adaeegi main diqqat mehsoos karti hai .
Aap apnay dil main koi baat chupa kar nahi rakh saktay .
Aap ko kisi bhi baat per raaz daan nahi banaya ja sakta.
Aap jab apni kamzoriyon ka ehsaas karkay in per qaboo paa leingay to phir bohot jald Aap behtreen kamiyabian samaitna shuru kar deingay .
Dilli Muamlat or shadi
Aap doosron ko jald mutasir karnay ki salahiyat rakhtay hain .
Ager aap ki shadi aisay insan se ho jaey jo aap ka hum mizaj hai to phir aap dunya kay khoosh qismat insan hongay basurat e deegar apnay aap ko kostay raheingay .
Maal o Doulat
Aap per kabhi doulat itni meherban hoti hai keh aap kay pass zarurat se ziada hota hai aur kabhi doulat ki dewi aap se aisay moonh morr leti hai keh aap kay pass bunyadi zaruraton ko poora karnay kay liye bhi raqam nahi hoti .
Aap kifayat shuari main kanjoosi ki hud tak bhi ja saktay hain .
Aap ka shumar aisay logon main ho sakta hai jo fauran ameer ho jatay hain .
Aap ager maali khoosh haali kay dour main kharch per qaboo nahi rakheingay to jald aap gurbat ki zindagi basar karnay per majboor ho jaaingay .
Sehat o Bimari
Aap ki sehet main Aap ki zehni halat bohot ahem kirdar ada karti hai .
Aap shadeed zehni dabao ka shikar ho saktay hain .
Aap ko jald mukhtaleef amraaz ho saktay hain .
Aap ko gurday ki takleef ka samna ho sakta hai.
Aap nind ki kami ka shikar ho saktay hain .
Aap in tamam amraaz se khood ko mehfooz rakh saktay hain ager aap apnay zehen ko bay jaa bojh se bacha kar rakhein .
Adad 5 ki mashhoor shakhsiyaat
Adad 5 ki haamil mashhoor shakhsiyaat main mashhor scientist Albert Einstein, William Shakespeare , Rajiv gandhi , Jawaharlal nehru iskay ilawa budh mazhab kay bani Buddha ka talluq bhi adad 5 se hai .
Aap kay adad se mutabiqat rakhnay walay Asma e Ilahiyya
Ager aap ka adad 5 hai ya phir yeh murakkab hai adad 14 ka , to phir Aap Ya Wahabu ka wird karein
Ager aap ka adad 5 murakkab hai adad 23 ka to phir aap Ism e Ilahi ” Ya Badi’u” ka wird karein .
Adad 5 walon ka saad nagina (Lucky Gemstone)
Heera (Diamond) Aur Zircon aap kay liye mubarak sabit ho saktay hain.