Adad do ( 2 ) waloo k naam ki khususiyat – shakhsiyat – khoobi o khaami .

Apne naam ka Adad jan-nay ke liye yahan click karein

Adad 2 ka mukhtasir taaruf
Adad 2 hamesha teen adaad ka mufrad ho ga jaisay 11, 20, aur 29.
Woh log jo kisi bhi mah ki is tareekh ko peda hue hain woh Adad 2 ke zair asar hon ge .

Aap ki khoobiyan o khamiyan
Aap achay khayalat rakhnay walay, Burdbar aur dosaron ki madad karne par yaqeen rakhnay walay hain.Aap dostiyaan bananay aur nibhana pasand karte hain.Aap ki tabiyat mein narmi o Latafat ke sath sila rehmi payi jati hai.Aap dosaron ko izzat ki nigah se dekhte hain.Aap mazboot mazhabi rujhan rakhtay hain.Aap ko har tarha ke safar se koi nah koi faida zaroor hoga.Aap ghair mustaqil mizaaj hain. Aap sair o tafreeh ko pasand karne walay hain. Aap apne jazbaat ko aqal par foqiat dete hain.
Aap ziddi aur hatt dharam hain. Aap aksar Qarz ki wajah se pareshan rehtay hain. Aap har waqt is baat ki tawaqqa rakhtay hain ke dosray aap se taawun karen. Aap basa auqaat apne rishta daaron se doori ikhtiyar kar letay hain. Aap haasid aur dosaron par jald yaqeen karne walay hain.
Aap ki tabiyat mein bay-chaini aur sharmeela pan paaya jata hai. Aap ke bhool pan ki wajah se log najaaiz faida uthatay hain .

Shakhsiyat
Qudrat ny aap ko husn se nawaza hua hai.
Aap apni zahanat ke sabab aisay dalail dete hain ke dosray aap ke qaail ho jatay hain. Agar aap zehni Danish se kaam len to aap kisi bhi maqsad mein kamyabi haasil kar satke hain lekin aksar aap is ke bar aks karte hain. Aap aman pasand tabiyat ke maalik hain aur is ke sath dosaron ki madad karne par yaqeen rakhtay hain aur isi wajah se aap ko aksar falahi tanzeemon  ka rukan ya phir tibbi maidan mein mareezon ka khayaal rakhtay paaya jata hai. Aap tanhai pasand honay k bawajood is baat ke arzoo mand rehtay hain ke log aap ki taraf tawajja den. Aap par achi buri sohbat ka asar bohat jald hota hai. Agar aap ghalat rasta par chal parrein to bohat jald khud ko is buraiee se dur kar letay hain. Aap mein aik behtareen maahir nafsiat aur accountant  ban’nay ki tamam slahtein hain. Aap bohat ziyada batoni bhi ho satke hain .

Dilli muamlaat aur shadi
Aap mohabbat ke muamla main bohat feham se kaam letay hain. Husn ke dildada honay ke bawajood aap yeh nahi chahtay ke her haseen insaan par dil ko farifta karte phrin. Aap mohabbat ke fori amali izhaar ki bajaye apni mohabbat ki aik khayaali duniya basa letay hain aur isi mein bohat khush rehtay hain. Aap apne shareek hayaat par bohat ziyada meharban honay walay aur jaan nichhawar karne walay hain. Aap tamam skhtyan bardasht kar ke apne shareek hayaat ko ziyada se ziyada khusihyan dete hain .

Maal o doulat
Maal o daulat ke lain deen mein aap imandari se kaam letay hain. aap fazool kharch nahi hain balkay buray waqton ke liye doulat ko jama karne ke qaail hain. karobari mamlaat mein aap bohat soch samajh kar maal lagatay hain aur isi wajah se aisay karobar ka intikhab karte hain jo aap ke liye faida mand ho. apni reham dili ke baais aap dosaron ki maali madad karne ki wajah khud aksar maali mushkilat ka shikar ho jatay hain .

Sahet o bemari
Aap aik bohat shandaar jismani sahet nahi rakhtay. Aap ko aksar chothee mouti takaleef ka saamna rehta hai. jazbati honay ki wajah se aap aksar zehni tanao ka shikaar ho jatay hain. Is ke sath aap ko apne nizaam hazem ki taraf tawajjah dainay ki zaroorat rehti hai. Is ke sath aap neend ki kami ka shikaar bhi ho satke hain. Apni sahet ko behtar bananay ke liye rozana warzish ko apna mamool bana len .

Adad 2 ki mashhoor shaksiaat
Adad 2 ki haamil mashhoor shaksiaat mein science daan thomas edison, sabiq Bharti wazeer e azam rajyo gandhi, musannif thomas hardi, Bharat ke mashhoor adakar Shah rukh Khan aur Amitabh bachchan .

Aap ke Adad se mutabqat rakhnay walay Asmaye elahiya
Agar aap ka Adad 2 murakkab hai Adad 11 ka. to phir aap “Ya Khaaliqo” ka vird karen . Agar aap ka Adad 2 murakkab Adad 20 ka hai to phir aap’ ‘ Ya Haadio” ka vird karen Agar aap ka Adad 2 murakkab hai Adad 29 ka. to phir aap’ ‘ Ya Mughnio” ka vird –apne mamool mein rakhen .

Aap ka Nagina

Pearl” aur “Cat’s eye” aap ke liye bohat mubarak saabit hon ge. is ke ilawa aap “Jade” ko bhi pehan satke hain jo aap ki sahet ki behtari ke liye mufeed hai .