Apne naam ka Adad jan-nay ke liye yahan click karein
Adad 3 ka mukhtasir taaruf Adad 3 hamesha teen adaad ka mufrad ho ga jaisay 12, 21, aur 30. woh log jo kisi bhi mah ki is tareekh ko peda hue hain woh Adad 3 ke zair assar hon ge .
Aap ki khoobiyan o khamiyan Aap sanjeeda tarz e zindagi rakhtay hain. Aap mein takhleeqi salahiyaten honay ke baais aap ko art aur designing mein khusoosi dilchaspi hogi.Aap apni dur andeshi aur zahanat ke baais zindagi ke tamam muamlaat ko behter tareeqa se ada kar saktay hain.Aap kisi bhi idaaray ke behtareen muntazim saabit ho saktay hain.Aap ko fanoon lateefa jaisay moseeqi, shairi, adab aur musawari se aik khaas kashish mehsoos hoti hai aur yahi sabab hai ke aap mein se kayi is maidan mein numaya maqam haasil kar letay hain.Aap mazhab ke sath sath roohaniyat aur siyasat ki taraf bhi Raghib raheingay.Aap mein kamyabi aur doulat kamanay ki dhun hogi.Aap zindagi mein buland maqam haasil karne ke liye har waqt jad-o-jehad karte rehtay hain.Aap aksar ishhq mein girftar nazar atay hain.Aap mehnati aur istiqlal rakhnay walay hain.Aap hamesha zindagi se masbet tawaqqa rakhtay hain. Aap mein se aksar ghuroor aur nafs parasti mein bhi mubtala ho satke hain.Aap basa auqaat jhoot ka bhi sahara letay hain .
Shakhsiyat Aap ki shakhsiyat mein sharmeela pan paaya jata hai aur isi sabab aap nah to kisi ke jaldi dost bantay hain aur nah hi kisi ko jald dost banatay hain.Aap aik achay raazdaan saabit hotay hain.Aap aik behtareen mehman Nawaz hain aur mehman nawazi par kamar basta rehtay hain.Aap ki fitrat mein payi janey wali hiss e mizah ki wajah se aap aksar dosaron ki taklifon ko nazar andaz kar dete hain.Apne khayalat ki wajah se aap khud pasandi ka shikaar ho jatay hain.Aik pur-asaish zindagi guzarna aap ki shadeed khwahish hoti hai.Aap zahiri Shaan o Shaukat se bohat mutasir hotay hain. Qudrat ki taraf se ataa kardah salahiyaton ke baais aap dosaron ko foran apni janib mael kar letay hain.Aap ki tabiyat mein milansaari aik khaas juz hai. Aap sair-o-tafreeh ke shaiq hain .
Dilli muamlaat aur shadi Aap mein se aksar mohabbat ke muamlaat mein khush naseeb rehtay hain aur agar apni mohabbat ko haasil kar len to saari zindagi apne mehboob ko bohat khush rakhtay hain.Aap aasani se mohabbat mein girftar ho saktay hain aur kayi baar apni is harkat ke sabab badnami ya shohrat haasil karte hain.Shadi ke baad aap apni gharelo zimma dariyan nihayat khush usloobi se ada karte hain aur apni aulaad aur shareek hayaat ke sukh ke liye har mumkin koshish karte hain .
Maal o doulat Aap maali aitbaar se aik mutawazan zindagi busr karte hain. Aap apne maal o doulat ka behtar masraf jantay hain. Agar aap ke paas apna maal o doulat nah ho phir aap dusron ke maal ko istemaal karne mein koi aar nahi samajte.Aap maal o doulat ke harees nahi bulkeh usay zindagi ki aik zaroorat qarar dete hain. Aap mein qudrat nay Fayazi rakhi hai aur isi sabab aap apni raqam ko dosaron ko tahaaef dainay par kharch kar ke khushi mehsoos karte hain.Aap is lehaaz se khush qismat hain ke aap jitna kharch karte hain itna hi aap ko mil bhi jata hai .
Sahet o bemari Aap ki umomi sahet behtar rehti hai.Aap ko sar, kaan aur daant dard ka saamna ho sakta hai. Aap ko kharabi jigar aur jismani thakawat bhi la-haq ho sakti hai.Aap ko apne maida ka khaas khayal rakhna chahiye. Mard hazraat madah toleed ki kami aur khawateen reham ke amraaz mein mubtala ho satke hain. warzish ko apna mamool bana len taa ke jism mein charbi jama nah ho aur nah hi sharianon mein khoon ki gardish ka koi masla darpaish ho .
Adad 3 ki mashhoor shaksiaat
Adad 3 ki haamil mashhoor shaksiaat mein telephone ke moajjid Graham Bell, American saddar Abraham Lincoln, mohtarma Be Nazir Bhutto, Bartanwi Wazeer e Azam Churchill, Amrici saddar Henry Ford, roosi hukmaran Joseph Stalin, Amrici adakar Alec Baldwin hain jo aaj kal saddar Trump ki naqal utaarnay ki wajah se shohrat ki bulandiyon par hain, glukarah Christina Aguilera,Snoop dogg, Shania Twain, 3 oscar award jeetnay wali adakara Jodie Foster aur adakar John Travolta shaamil hain .
Aap ke Adad se mutabiqat rakhnay walay Asmaye Ilahiya Agar aap ka Adad sirf 3 hai to phir “ Ya Allah ” ka Wird karein . Agar aap ka Adad 3 murakkab hai Adad 12 ka to phir aap “Ya Majeedo” ka wird karein . Agar aap ka Adad 3 murakkab Adad 21 ka hai to phir aap “Ya lateefo” ka Wird karen. Agar aap ka Adad 3 murakkab hai Adad 30 ka, to phir aap “Ya nafeao” ka Wird apne mamool mein rakhein .
Aap ka saad nagina (Lucky gemstone) Pukhraj aap ke liye har tarha se mufeed aur Muawwin ho ga .
