Kayi ahbab ne shobdaat ki janib tawajjah mabzul karwayi hai ke isay bhi Roohanialoom kay blog ka hissa banaya jaye lehaza chand aik nadir o nayaab shobdaat paish e khidmat hai tajurba karein aur lutf uthayein
Aag Se Munh Na Jalay
Yeh bohat he mashoor o maroof shobdah hai. Shobday ki taqriban tamam kitabon mein isay darj paya hai khud zaati tor per tajurba kiya hai kamiyab shobdah hai. Awal thora sa noshadar (Sal Ammoniac) aur aqar-qarha ( Anacyclus pyrethrum ) lay kar munh mein chabayein la’ab payda ho jayega is la’ab ko munh mein he rehnay dein lekin khayal rakhein ke la’ab halaq se nichay na utaray, kuch dair is la’ab ko munh mein rakhnay ke baad kulli kar lein ab koylay ka chota sa tukra lay kar munh mein dala jaye (behtar hai ke zubaan per rakha jaye) zubaan hargiz na jalaygi .
Kapra Aag Se Na Jalay
Koi aadh gaz kapra lein aur isay Aloe vera kay arq mein bhigo kar khushk karein yeh hi amal 7 bar karein ab agar is kapray ko aag mein dala jayega to woh hargiz na jalayga.
Is say bhi asaan amal paish karta hoon. Aik anda lay lain aur isay achi tarah phaint lain ab is mein qadray phitkari ( Alum ) ka safoof dal dein aur baham amaiza kar lein is mehlul mein kapray ko khoob achi tarah tar kar ke dhoop mein sukha dein ab is kapray ko jaltay huway chulhay mein dal dein kapra hargiz nahi jalayga.
Aag Se Farsh Na Jalay
Kafur ( Camphor ) aur haldi dono cheezon ko pis kar is ki gaynd (ball) bana lain aur isay saaye mein rakh kar khushk kar lain ab is mein aag laga dein aur isay darri ya chandni per bay khauff dal dein darri ya chandni hargiz na jalaygi aur hazireen sakht taajub karengay. Isay rumaal per dal kar bhi kamiyab tajurba kiya ja sakta hai.
Hawwa Se Aag Payda Karna
Oont ki menginiyaan aag mein jala kar shehad (honey) mein bujha lein ab inhein aik sheshe ke andar mehfooz rakh lein ab jab yeh menginiyaan bahir nikali jayengi aur isay tora jayega to hawwa lagtay he in say aag niklaygi , diya silayi ke bagair aag payda karnay ki aik ajeeb o gareeb tarkeeb hai basad e shoq zaroor tajurba karein.
Hontonn Ko Safaid Karna
Pan mein gundhak ( Sulfur ) rakh kar khilao hont safaid ho jayengay aur kaanji ke pani se gararay kar liye jayen to bad sutoor sabiq ho jayengay.
Chiragon Ki Larayi
Yeh bhi aik mashoor o maroof shobdah hai. Aik chirag mein bhairiye (sheep) ki charbi aur dusray chirag mein bakri (goat) ki charbi rakh kar aur sabun (soap) ki batti bana kar chiragh jalaye jain dono chiragh aik dusray ke amnay samnay ho aur taqriban nisf (half) gaz ka fasla ho pus in dono chirago ke sholay aapas mein khoob larengay aur dekhnay walon ko sakht hairat hogi.
Pani Mein Chirag Jalana
Aik chirag lein aur is ke andar china kafoor ki batti bana kar dalein aur isay roshan kar dein chirag mein pani bhar dein pus chirag jalta rahayga aur pani se hargiz na bujhayga.
Jadu ki mom-batti (Candle)
Samundari jhaag aur gundhak pis kar aur rooyi (cotton) mein lapait kar batti bana lein aur aik mom-batti ( candle ) tayar karein jis kay mom main til ka tail (sesame oil) mix karein or jo batti banayi thi uska istemal karein , Jadui candle tayar hai , roshan karein , yeh candle aandhi aur baarish ke bawajood bhi gul na hogi balkay roshan rahaygi aur dekhnay walay hazraat hairaan hongay keh yeh kya jadoo hai.
Limu (Lemon) Ke Arq Ki Jagah Khoon (blood) Niklay
App ne aksar suna hoga ke falan aamil jab seher ki tashkhees kar raha tha to is nay aik limu kata aur is mein bajaye limu ke rus ke tazah khoon nikal aya. Darasal is mein aamil sahab ki koi karamat nahi thi balkay yeh aik seedha saadha shobdah hai. Mulahezah farmaiye !!!
Awal churi (knife) lay kar is se khatmal katein ya do char khatmal mar kar in ka khoon churi per laga dein aur khushk honay dein (dhaar ki simt lagaya jaye) ab isi churi se limu ko kata jayega to is say arq ke bajaye khoon niklayga. Dollar ki red ink bhi khatmal ke khoon ke bajaye istemaal ki ja sakti hai lekin phir rung ziada ghehra nahi ayega.
Aag Ke Bagair Candle Ko Roshan Karna
Gundhak, hartaal aur kafurr hum wazan lay kar safoof bana kar apnay pas rakh lein . Ab jab kabhi bhi is safoof mein se aik chutki bhar gul shuda chirag ya mom-batti (candle) per dalengay to foran roshan ho jayega.
Chirag Ke Bagair Roshni
Saaf sirkay mein hartaal mila kar isay saaf kaanch ki sheshe mein rakhein andhera karnay per sheshe mein roshni maloom hogi. Phosphorus kaanch ki safaid bottle mein bhar kar rakhein bagair chirag ke roshni hogi.
Perwana Chirag Se Dur
Photo by Hans Vivek on Unsplash
Chirag mein piyaaz (onion) ke aik do tukray dal dein tamam perwanay bhaag jayengay.
Great