Apne Naam Ka Adad Jaan-nay Kay Liye Yahan Click Karein
Adad 6 ka Mukhtasir Taaruf
Adad 6 hamesha do adaad ka mufrad ho ga jaisay 15 aur 24. woh log jo kisi bhi mah ki 6, 15 aur 24 tareekh ko peda hue hain woh Adad 6 ke zair-e- asar hon ge .
Aap Ki Khoobiyan o Khamiyan
Agar yeh kaha jaye to ghalat nah ho ga ke mohabbat aap ki fitrat hai. Aap par kisi bhi moamla par bharosa kya ja sakta hai. Aap apne walidain ka bohat khayaal rakhnay walay hain aur is ke sath aap ko bachon se bohat pyar o mohabbat hota hai. Aap milansaar insaan hain lekin is ke sath bohat hassas tabiyat ke maalik bhi hain aur logon ke rawaiyon ki wajah se aap ke dil ko aksar thais lag jati hai. Aap aik fayaz aur reham dil insaan hain. In sab khoobiyon ke sath aap mein dosaron par be ja tanqeed karna aur dosaron ki aib joi karne ka rujhan bhi peda ho sakta hai .
Shakhsiyat
Aap aik mashour karne dainay wali shakhsiyat ke maalik hain. Apni meharban tabiyat aur khush halqi ke baais aap logon mein bohat maqbool hotay hain. Aap dosaron se mohabbat karna jantay hain. Aap ko shairi, moseeqi, musawari ke fun paron mein aik khaas dilchaspi mehsoos hoti hai aur is ke sath aap achay dramon aur filmon ka zouq bhi rakhtay hain. Apni mohabbat wali fitrat ke baais aap logon ko khoshi day kar taskeen mehsoos karte hain. Aap ko apne ghar aur daftar ko nafees halat mein rakhna bohat pasand hai. Aap ki shakhsiyat ke kuch manfi pehlu bhi hain jin mein halaat ki wajah se aap mein safaki aur makkari peda ho jati hai. Jab aap zindagi ke is marhala se guzar rahay hotay hain phir aap kisi ki parwah nahi karte aur apne qareebi rishta daron aur doston ke ehsasat ko buri terha majrooh karte hain .
Dili Muamlaat Aur Shadi
Aap ki takhleeq mohabbat ki devi ne khud apne hathon se ki hai aur isi wajah se mohabbat aap ke khoon mein daurti hai. Aap mein kuch aisay bhi hain jin ka aurhna bichona mohabbat hi hoti hai. Aap mohabbat ke maamla mein aksar pehal nahi karte. Agar aap ko kisi se mohabbat ho jaye to phir apni khayaali duniya mein usay apna shareek-e- hayaat dekhte hain. Agar aap ki mohabbat ki shadi ho jaye to phir duniya ko chore kar apne shareek-e- hayaat ke qadmon hi mein rehna pasand karte hain aur shadi ke baad yehi aap ka ghalat tarz-e- amal hota hai. Aap ko is baat ka ehsas achi terha se hona chahiye ke aap aik madi duniya mein rehtay hain aur mohabbat pait nahi bhara karti aur nah hi zindagi ki zaroriat ko poora karti hai .
Maal o Doulat
Aap zindagi mein maal o doulat ki ahmiyat ko samajte hain. Aap fuzool kamon mein doulat ko zaya nahi karte. Aap mein doulat ko jama karne ki khoobi payi jati hai lekin is ke sath apni sakhawat ke sabab dosaron ki zaroraton par doulat ko kharch karne mein bukhal se kaam nahi letay. Zindagi ke zarorton ko poora karne ke liye aap kisi ke agay haath nahi pheilatay, qudrat kahin nah kahin se aap ko itna faraham kar deti hai ke apni zaroorat ko pora kar len. Aap apni jama shuda doulat ko aisay kamon mein lagana pasand karte hain jis se is mein izafah ho. Aap aise askimon mein dilchaspi rakhte hain jo aap ko acha munafa dey jin mein share market, prize bonds waghera shaamil hain .
Sahet O Beemari
Aap majmoi tor par achi sehat ke maalik hotay hain lekin apni laparwai aur kahili ke sabab mukhtalif amraaz ka shikaar ho jatay hain. Jazbati tabiyat honay ki wajah se aap nafsiati dabao ka shikaar ho satke hain. Is ke sath aap ko mausmi bukhar, nazla o zukam, nervous breakdown aur dil ke amraaz ka khatrah ho sakta hai. Khawateen mein chati se mutaliq bemariyan ho sakti hain. Aap ko behtareen sehat ke liye kuch iqdamaat lazim karna hon ge jin mein baqaida werzish, subah ki sair shaamil hain aur is ke sath aap ko masalha daar ghizaon aur zeyada tail walay khaano se ijtinab karna ho ga .
Adad 6 ki Mashhoor Shakhsiyaat
Adad 6 ki haamil mashhoor shaksiaat mein Napoleon Bonaparte,Queen Victoria, mughal badshah Akbar, Amriki sadar Ronald Reagan shaamil hain .
Aap kay Adad Say Mutabiqat Rakhnay Walay Asma-e-Ilaahi
Agar aap ka Adad 6 hai ya yeh murakkab hai Adad 15 ka. to phir aap’ ‘ ya Aleem ‘ ‘ ka vird karen .
Agar aap ka Adad 6 murakkab Adad 24 ka hai to phir aap’ ‘ ya Raheem ‘ ‘ ka vird Karen
Aap Ka Luckygemstone
Heera ( Diamond ) aap ke liye mubarak nagina hai .
